446 իրավախախտման դեպք Հայաստանյան հանքարդյունաբերությունում

Բնապահպանության և ընդերքի տեսչական մարմինը ընդերքօգտագործման և ընդերքի պահպանության վերահսկողության ուղղությամբ 2022-ի ընթացքում իրականացրել է 81 ստուգում:

Ավարտված 81 ստուգման արդյունքում հայտնաբերվել է 446 իրավախախտման դեպք. այս ցուցանիշը 21.8%-ով ավելին է, քան 2021-ի նույն ժամանակահատվածում հայտնաբերված դեպքերը։ 

Այս մասին նշված է ՀՀ բնապահպանության և ընդերքի տեսչական մարմին կողմից տարածված մամուլի հաղորդագրությունում։

Նշվում է նաև, որ կայացվել է 203 վարչական տույժ նշանակելու մասին որոշում։ Որոշումներով նշանակված տուգանքի չափը կազմել է 20․290․000 ՀՀ դրամ։ 

Շրջակա միջավայրին պատճառված վնասի հատուցման չափը կազմել է 199․278․261 ՀՀ դրամ։

2022թ. ընթացքում ԲԸՏՄ աշխատակիցների կողմից նաև բացահայտվել է առանց համապատասխան թույլտվությունների առկայության ապօրինի ընդերքօգտագործման 41 դեպք, որից միայն 6-ի մասով ՊԵԿ-ի կողմից հաշվարկված պետությանը պատճառված վնասի չափը կազմել է 961․178․695 ՀՀ դրամ:

Հայտնաբերված խախտումներով նախապատրաստված նյութերը փոխանցվել են իրավապահ մարմիններին։