Թուրքական ընկերությունները գաղտնի զինել են ռուսական բանակը

Թուրքական ընկերությունները, ի հակառակ ԱՄՆ պատժամիջոցների և էքսպորտային վերահսկման, ռուսական բանակին անհրաժեշտ ամերկյան էլեկտրոնիկա և պահեստամասեր են մատակարերլ Ռուսաստանին։ Այս մասին նշված է «The Wall Street Journal»-ի հրապարակման մեջ։

«Թուրքական ընկերություններն անցած տարի տասնյակ միլիոնավոր դոլարի մեքենաներ, էլեկտրոնիկա, պահեստամասեր և այլ ապրանք են մատակարարել Ռուսաստանի բանակին», – նշված է հեղինակավոր պարբերականի հոդվածում։

Մանրամասնելով տվյալները՝ հոդվածագիրը գրում է, որ թուրքական առնվազն 13 ընկերություն ամերիկյան պատժամիջոցների տակ գտնվող ռուսական 10 ընկերություններին վաճառել են 18.5 միլիոն դոլարի ռազմական նշանակության ապրանք։ Նշվում է նաև, որ նշված ռուսական բոլոր ընկերություններն ամերիկյան պատժամիջոցների տակ են հայտնվել՝ Ուկրաինայում ընթացող պատերազմում իրենց անմիջական մասնակցության համար։

Նշենք, որ թուրքական և ամերիկյան պաշտոնական ներկայացուցիչները դեռևս չեն մեկնաբանել «The Wall Street Journal»-ի տրամադրության տակ հայտնված տեղեկությունները։