Ֆրանսիայի նախագահ Էմանուել Մակրոնը Վլադիմիր Պուտինին Ուկրաինայի ղեկավար Վլադիմիր Զելենսկու խնդրանքով է զանգում։
Այս մասին իսրայելական RTVi հեռուստաընկերությանը հայտնել է Ֆրանսիայի արտաքին գործերի նախարարության մամուլի քարտուղար Անն-Կլեր Լեժանդրը։ «Պարոն Մակրոնը նախագահ Պուտինին զանգահարում է հիմնականում նախագահ Զելենսկու խնդրանքով, և միշտ մեր դաշնակիցների հետ համաձայնեցնելով՝ երկխոսության ուղիները պահպանելու համար»,- ասել է նա։
Ֆրանսիացի դիվանագետը նաև հավելել է, որ Զելենսկու խնդրանքով Մակրոնը Պուտինի հետ քննարկել է Զապորոժիեի շրջանի Էներգոդարում գտնվող ատոմակայանի հետ կապված հարցեր, ինչի շնորհիվ հաջողվել է այնտեղ դիտորդներ ուղարկել ՄԱԳԱՏԷ-ից:
Նշենք, որ մեկ ամիս առաջՌԴ նախագահի խոսնակ Դմիտրի Պեսկովը նշել է, որ Պուտինն ու Մակրոնը շփումները բավական արդյունավետ են եղել։ «Երկխոսության մեջ այժմ դադար կա, սակայն նախորդ փուլում շփումը շատ օգտակար էր և շատ կառուցողական՝ չնայած առկա բոլոր, այդ թվում՝ խորը տարաձայնություններին», – հայտարարել է Պեսկովը՝ հիշեցնելով, որ Ֆրանսիայի և Ռուսաստանի ղեկավարների վերջին հեռախոսազրույցը կայացել է 2022-ի սեպտեմբերին։
