Լատվիայում այրվել է Ուկրաինայի համար ԱԹՍ արտադրող ամերիկյան գործարանը

Լատվիայում այրվել է Ուկրաինայի համար ԱԹՍ արտադրող ամերիկյան գործարանը

Լատվիայում հրդեհ է բռնկվել Ուկրաինայի համար անօդաչու թռչող սարքեր արտադրող Edge Autonomy ընկերության գործարանում։ 

Միջադեպը տեղի է ունեցել Ռիգայից ոչ հեռու գտնվող Մարուպ քաղաքում։

Հրդեհի պատճառները դեռևս չեն հայտարարվում։ Ականատեսները պատմում են, որ հրդեհին պայթյուն է նախորդել։ Գործարանի ղեկավարությունը խոստովանում է, որ հրդեհը մեծ վնասներ է պատճառել արտադրությանը, սակայն ամբողջ ծավալի մասին դեռևս գնահատականներ չեն հնչեցվում։

Edge Autonomy ընկերությունը, որի գլխամասը գտնվում է Կալիֆորնիայում, արտադրում է անօդաչու թռչող սարքեր։ Ընկերության արտադրանքը մատակարարվում է մոտ 60 երկիր։

Հետևեք մեզ նաև Telegram-ում