ԱՀԿ-ն մոբիլիզացիա է հայտարարել

Առողջապահության համաշխարհային կազմակերպության Եվրոպական գրասենյակի տնօրեն Հանս Կլյուգեն հայտարարել է կազմակերպության 3-րդ բարձր մակարդակի արտակարգ դրություն, ինչը ենթադրում է ԱՀԿ ռեսուրսների մոբիլիզացիա:

«Իրավիճակը պայմանավորված է Թուրքիայում և Սիրիայում տեղի ունեցած երկրաշարժով, որից հետո հայտարարվել է 3-րդ մակարդակի արտակարգ իրավիճակ»,- նշել է Հանս Կլյուգեն։

Թուրքիայում երկրաշարժի հետևանքով զոհերի թիվն այս պահին հասել է 16170-ի, Սիրիայում՝ ավելի քան 3000-ի։