Ֆինլանդիայի մայրաքաղաք Հելսինկիում Թուրքիայի դեսպանատան դիմաց ցուցարարներն այրել էն Էրդողանի լուսանկարը։ Չորս մարդ բերման է ենթարկվել։
Այս մասին հայտնել են ֆիննական լրատվամիջոցները։
«Մոտ մի քանի տասնյակ հոգուց բաղկացած խումբը հավաքվել էր դեսպանատան դիմաց և այրել լուսանկարը։ Նախաքննության ընթացքում կպարզվի, թե դա ինչ լուսանկար է եղել»,- ասել է Հելսինկյան ոստիկանության գլխավոր տեսուչ Հեյկի Պորոլան։
Հիշեցնենք, որ վերջին ամիսներին Շվեդիայում և Ֆինլանդիայում Թուրքիայի նախագահ Ռեջեփ Թաիփ Էրդողանի դեմ ուղղված հասարակական ակցիաներ են տեղի ունենում, ինչի կապակցությամբ Թուրքիայի նախագահը անզիջում դիրքորոշում է որդեգրել այս երկրների՝ ՆԱՏՕ-ին անդամակցելու գործընթացի դեմ՝ համարելով, որ ակցիաներն ուղղորդվում են սկանդինավյան պետությունների իշխանությունների կողմից։
