Խաղաղության խնդիրների ուսումնասիրության միջազգային ինստիտուտի (SIPRI) տվյալներով Ադրբեջանը շարունակում է մեծ քանակով զենք-զինամթերք ձեռքբ բերել Իսրայելից։
Ըստ ստոկհոլմյան ինստիտուտի, 2018-2022թթ. Ադրբեջանը եղել է Իսրայելից զենք գնող խոշոր երկրներից մեկը` սպառելով հրեական պետության ռազմական էքսպորտի 9.1%-ը։ Թել Ավիվից զենք ձեռք բերող երկրների շարքում Ադրբեջանը զիջում է միայն Հնդկաստանին, որտեղ վաճառվում է իսրայելական արտադրության զենքի 37%-ը։
Ինչպես նշված է SIPRI-ի հետազոտության մեջ, 2018-2020թթ. Ադրբեջանն Իսրայելից գնել է ավիացիոն տեխնիկա, հրետանի, զրահապատ մեքենաներ, հրթիռներ, դիտարկման համակարգեր, ինչպես նաև ռազմածովային տեխնիկա։
