Շատ մեծ է նոր էսկալացիայի վտանգը. Նիկոլ Փաշինյան

Շատ մեծ է նոր էսկալացիայի վտանգը. Նիկոլ Փաշինյան

Կարծում եմ, որ հիմա շատ մեծ է էսկալացիայի հավանականությունը և՛ Հայաստանի սահմանի երկայնքով, և՛ Լեռնային Ղարաբաղի, լրագրողների հետ հանդիպմանն այս մասին հայտարարեց Հայաստանի վարչապետ Նիկոլ Փաշինյանը։

«Իմ եզրակացությունն Ադրբեջանի ավելի ու ավելի ագրեսիվ դարձող հռետորաբանությունից է, և իհարկե, կան որոշակի այլ տվյալներ», – ասաց Փաշինյանը։

Ինչ վերաբերում է զսպման մեխանիզմներին՝ վարչապետն ասաց, որ ՀՀ-ն չի, որ նախաձեռնում է ագրեսիվ գործողություններ և դա է պատճառը, որ ՀՀ-ն որոշում կայացրեց հրավիրել ԵՄ դիտորդներին։

«Միջազգային հանրությունը պետք է արձանագրի, որ շատ մեծ է վտանգը նոր էսկալացիայի, և հաշվի առնելով Լաչինի միջանցքի փակ լինելը,  ԼՂ-ում հումանիտար ճգնաժամի առկայությունը, էթնիկ զտումներ իրականացնելու Ադրբեջանի ակնհայտ նախապատրաստությունները, մեր դիրքորոշումը շարունակում է մնալ այն, որ շատ պատեհ կլինի, որ Լաչինի միջանցք և ԼՂ ուղարկվի միջազգային փաստահավաք առաքելություն», – ասաց Փաշինյանը։

Հետևեք մեզ նաև Telegram-ում