American Thinker. Սաուդյան Արաբիայի և Իրանի հարաբերությունների կարգավորումը ԱՄՆ-ի պարտությունն է

Չինաստանի մասնակցությամբ Սաուդյան Արաբիայի և Իրանի միջև հարաբերությունները կարգավորելու պայմանավորվածությունը պարտություն էր ԱՄՆ նախագահ Ջո Բայդենի վարչակազմի համար։

American Thinker-ը գրում է՝ համաշխարհային ասպարեզում ԱՄՆ-ի հեղինակությունը նկատելիորեն անկում է ապրել, թեև «քարոզչական լրատվամիջոցներն անում են ամեն ինչ, որպեսզի ամերիկացիները դա չհասկանան»։

Ըստ սյունակագրի՝ Մերձավոր Արևելքում Չինաստանի հաղթանակը, որը նվազեցրեց Միացյալ Նահանգների ազդեցությունը որպես կարևոր դերակատար, զգալի, եթե ոչ գլխավոր նշանն էր այն աղետի, որին հանգեցրել է Բայդենի նախագահությունը:

Հիշեցնենք՝ Մարտի 10-ին Tasnim գործակալությունը հայտնել է Իրանի և Սաուդյան Արաբիայի միջև դիվանագիտական ​​հարաբերությունները վերականգնելու համաձայնագրի և երկու ամսվա ընթացքում դեսպանատներ բացելու պլանների մասին։ Մարտի 6-ից մարտի 10-ը Պեկինում Իրանի Ազգային անվտանգության գերագույն խորհրդի քարտուղար Ալի Շամխանին և Սաուդյան Արաբիայի ազգային անվտանգության պետնախարար Մուսաիդ բին Մուհամմեդ ալ-Այբանը բանակցություններ են վարել, որոնց արդյունքում եռակողմ հայտարարություն է ընդունվել։