Բաշշար ալ-Ասադը հայտարարել է Էրդողնի հետ հանդիպման նախապայմանի մասին
Նմանատիպ
Սիրիայի նախագահ Բաշշար ալ-Ասադը հայտարարել է, որ պատրաստ է հանդիպել Թուրքիայի նախագահ Ռեջեփ Թայիփ Էրդողանի հետ միայն այն բանից հետո, երբ Թուրքիան դուրս կբերի իր զորքերը Սիրիայի տարածքից։
Այս մասին Ասադը հայտարարել է ռուսական РИА Новости գործակալությանը տված հարցազրույցում։
«Ինչ վերաբերում է Էրդողանի հետ հանդիպմանը, ապա դա կապված է այն փուլին հասնելու հետ, երբ Թուրքիան հստակ ձևով և առանց որևէ անորոշության պատրաստ կլինի Սիրիայի տարածքից զորքերի ամբողջական դուրսբերմանը, ահաբինչպիսին որ կար մինչև Սիրիայում պատերազմի սկսվելը»,- ասել է Բաշշար ալ-Ասադը։
Սիրիայի նախագահի խոսքով՝ Անկարան բացասական դեր է խաղացել իր երկրի տարածքում պատերազմում, քանի որ աջակցել է այն կազմակերպություններին, որոնք Դամասկոսը համարում է ահաբեկչական, և իր զորքերը ուղարկել է սիրիական տարածք։
«Մեզ համար Թուրքիան օկուպացիոն պետություն է»,- հավելել է Ասադը։
Հետևեք մեզ նաև Telegram-ում