20.1 C
Yerevan

Մոլդովան մեկնարկել է ԱՊՀ-ից դուրս գալու գործընթացը

Նմանատիպ

Գլոբալ տաքացումը սպառնում է աշխարհի պարենային անվտանգությանը

Եվրոպացի և ամերիկացի գիտնականների խումբը պարզել է, որ գլոբալ...

Մայր Աթոռում միաբանական հավաք կգումարվի

Հայոց հայրապետի օրհնությամբ՝ Մայր Աթոռ Սուրբ Էջմիածնում հունիսի 5-ից...

Հնարավորություն կա տարեվերջին ունենալ խաղաղության պայմանագիրը․ ԱԽ քարտուղար

Քիշնևում առնվազն սահմանազատման հարցում և 1975 թվականի քարտեզի մասով...

Մոլդովայի կառավարությունը որոշել է հետ կանչել Անկախ Պետությունների Համագործակցության (ԱՊՀ) գործադիր մարմիններում իր ներկայացուցչին: Այս մասին Ինտերֆաքսին հայտնել են Մոլդովայի նախարարների կաբինետի մամուլի ծառայությունում:

Որոշում է ընդունվել, որ Թեոդոր Յովուն հետ է կանչվում ԱՊՀ-ի գործադիր կոմիտեի փոխտնօրենի, տնտեսական համագործակցության վարչության պետի պաշտոնից։ Որոշումն ուժի մեջ է մտնում ապրիլի 14-ից։ Յովուն այս պաշտոնում նշանակվել է 2020 թվականի դեկտեմբերին։

Մոլդովայի արտաքին գործերի և եվրոպական ինտեգրման նախարար Նիկու Պոպեսկուն կառավարության նիստում ասել է, որ «որոշումն ընդունվել է ԱՊՀ-ի գործադիր կոմիտեի փոխնախագահների նշանակման և ռոտացիայի համար քվոտաների հատկացման մասին համաձայնագրի դրույթների հիման վրա»: Փետրվարի սկզբին Մոլդովայի խորհրդարանը հետ էր կանչել ԱՊՀ-ի անդամ պետությունների Միջխորհրդարանական վեհաժողովի խորհրդի քարտուղարությունում իր ներկայացուցչին։ Տեղեկատվական գրության մեջ նշվել է, որ «որոշումն ընդունվել է միջխորհրդարանական կազմակերպությունների վարչական մարմիններում Մոլդովայի խորհրդարանի մշտական ​​ներկայացուցիչների գործունեության քննարկման արդյունքում»։

Բացի այդ, փետրվարին Պոպեսկուն հայտարարել էր, որ Մոլդովան սկսում է ԱՊՀ-ի շրջանակներում մի քանի տասնյակ համաձայնագրերից դուրս գալու գործընթաց։ Նրա խոսքով՝ հանրապետությունը մասնակցում է ԱՊՀ-ի շուրջ 330 համաձայնագրերի, որոնցից շատերը վերանայման կարիք ունեն։

Նա հիշեցրել է, որ Մոլդովան մտադիր է անդամակցել ԵՄ-ին, ուստի «արտաքին քաղաքականության բոլոր նպատակները և մասնակցությունը միջազգային կազմակերպություններին ստորադասվելու են եվրոպական ինտեգրմանը»։ «Ելնելով դրանից՝ մեր նպատակներին անհամատեղելի ԱՊՀ-ի համաձայնագրերից դուրս գալը կշարունակվի», – հայտարարել է Պոպեսկուն և նշել, որ միայն ՆԳՆ-ի գծով պլանավորվում Է դուրս գալ մոտավորապես 20 համաձայնագրից:

spot_imgspot_img
spot_imgspot_img

Նմանատիպ

Նմանատիպ

Գլոբալ տաքացումը սպառնում է աշխարհի պարենային անվտանգությանը

Եվրոպացի և ամերիկացի գիտնականների խումբը պարզել է, որ գլոբալ...

Մայր Աթոռում միաբանական հավաք կգումարվի

Հայոց հայրապետի օրհնությամբ՝ Մայր Աթոռ Սուրբ Էջմիածնում հունիսի 5-ից...

Հնարավորություն կա տարեվերջին ունենալ խաղաղության պայմանագիրը․ ԱԽ քարտուղար

Քիշնևում առնվազն սահմանազատման հարցում և 1975 թվականի քարտեզի մասով...