Մեսսին որոշում է ընդունել ՊՍԺ-ում իր ապագայի վերաբերյալ

Մեսսին որոշում է ընդունել ՊՍԺ-ում իր ապագայի վերաբերյալ

Աշխարհի չեմպիոն Արգենտինայի հավաքականի 35-ամյա հարձակվող Լիոնել Մեսսին որոշել է երկարաձգել պայմանագիրը Ֆրանսիայի չեմպիոն ՊՍԺ-ի հետ մինչև հաջորդ մրցաշրջանի ավարտը, հաղորդում է իսպանական Marca-ն։ Նրա գործող պայմանագիրը փարիզյան ակումբի հետ կավարտվի հունիսին։

Մեսսին մտադիր է 2024-ի ամռանը տեղափոխվել ամերիկյան «Ինտեր Մայամի»։ Նա կարծում է, որ հյուսիսամերիկյան ՄԼՍ-ում հանդես գալը թույլ կտա պատրաստվել 2026-ի աշխարհի առաջնությանը, որը կանցկացվի ԱՄՆ-ում, Կանադայում և Մեքսիկայում համատեղ։

Մեսսին ընթացիկ մրցաշրջանում ՊՍԺ-ի հետ բոլոր մրցաշարերում մասնակցել է 32 հանդիպման, խփել է 18 գոլ, կատարել 17 գոլային փոխանցում։

Հետևեք մեզ նաև Telegram-ում