Իրանը բողոքի նոտա է հղել Ադրբեջանին

Ադրբեջանում Իրանի դեսպանատունը բողոքի նոտա է հղել Ադրբեջանի արտաքին գործերի նախարարությանը՝ կապված Իրանի դեմ ադրբեջանական լրատվամիջոցների վիրավորական գործողությունների հետ։

Այս մասին հայտնում է իրանական IRNA գործակալությունը։

Դեսպանատունն իր խիստ բողոքն է արտահայտել ադրբեջանական լրատվամիջոցների գործողությունների առնչությամբ և կոչ արել անհապաղ դադարեցնել դրանք։

Դեսպանատունը նաև զգուշացրել է երկու երկրների հարաբերությունների վրա նման գործողությունների վնասակար ազդեցության մասին։