Ադրբեջանը արտաքսում է Իրանի դեսպանատան աշխատակիցներին
06/04/2023 16:58
Նմանատիպ
Այսօր Բաքվում Իրանի դեսպան Սեյիդ Աբբաս Մուսավին կանչվել է արտգործնախարարություն, որտեղ նրան դժգոհություն է հայտնել վերջին շրջանում Ադրբեջանի նկատմամբ Թեհրանի սադրիչ գործողությունների կապակցությամբ։
Այս մասին գրում են ադրբեջանական լրատվամիջոցները։
Դեսպանին տեղեկացվել է նաև, որ Իրանի դեսպանատան չորս աշխատակիցներ Ադրբեջանի կառավարության կողմից հայտարարվել են պերսոնա նոն գրատա (անցանկալի անձինք) դիվանագիտական կարգավիճակին չհամապատասխանող և 1961 թվականի Վիեննայի դիվանագիտական հարաբերությունների մասին կոնվենցիային հակասող գործունեության համար և պետք է լքեն Ադրբեջանի տարածքը 48 ժամվա ընթացքում։
Հետևեք մեզ նաև Telegram-ում