Հայաստանի պետական ֆիլհարմոնիան ապրիլ-հուլիս ամիսներին կիրականացնի մարզային համերգաշար։
Համերգաշարը կրում է «Լսի՛ր» խորագիրը։ Նախագծի շրջանակում Հայաստանի չորս մարզերում կհյուրընկալվեն չորս աշխարհահռչակ երաժիշտ՝ դաշնակահար Ալեքսեյ Լյուբիմովը (Ռուսաստան), ակորդեոնահար Մարկո Շևարլիչը (Սերբիա), շեփորահար Մարկուս Շտոկհաուզենը (Գերմանիա), ալտահար Վենսան Ռուայեն (Ֆրանսիա)։
Երաժիշտները ելույթներ կունենան համապատասխանաբար՝ Շիրակի, Լոռու, Տավուշի և Սյունիքի մարզերում։
Համերգներից բացի նաև կանցկացվեն վարպետության դասեր և սեմինարներ՝ տեղի երիտասարդ երաժիշտների մասնակցությամբ։
