Ադրբեջանի նախագահ Իլհամ Ալիևը պետական հեռուստաընկերության եթերում հայտարարել է, որ «Ղարաբաղում հայերը կա՛մ պետք է ընդունեն Ադրբեջանի քաղաքացիություն, կա՛մ հեռանան»:
Ալիևի խոսքով՝ Ադրբեջանը բազմիցս հայտարարել է, որ չի քննարկելու իր ներքին գործերը ոչ մի երկրի հետ, «իսկ Լեռնային Ղարաբաղը Ադրբեջանի ներքին գործն է»։
Ադրբեջանի ղեկավարը նշել է, որ Ղարաբաղում ապրող հայերը պետք է ընտրություն կատարեն. «Այստեղ լիակատար ազատություն կա, ամեն ինչ որոշվում է ժողովրդավարական գործընթացների հիման վրա։ Այս հարցը նույնպես պետք է լուծվի մարդու իրավունքների հիման վրա»,- ասել է Ալիևը։
