«Տեխնոլոգիական ճամբար (Tech Camp) 2023» կրթական ծրագիրը սահմանամերձ համայնքների բնակավայրերի ուսումնական հաստատությունների ավագ դպրոցների սովորողների հնարավորություն կտա խորացնել գիտելիքները, կատարելագործել հմտությունները   տեխնոլոգիական ոլորտի տարբեր ուղղություններում։

2023 թվականին պիլոտային ծրագիրը կիրականացվի Գեղարքունիքի մարզի Կութ,Վահան, Սոթք, Նորաբակ և Ճամբարակ բնակավայրերի ավագ դպրոցների 100 աշակերտների համար։

«Տեխնոլոգիական ճամբար (Tech Camp) 2023» ուսումնաճանաչողական ծրագիրը կանցկացվի 2023 թվականի հուլիսի 24-30-ը։

Ճամբարին մասնակցությունն անվճար է։

Հայտերի ընդունման վերջնաժամկետը մայիսի 20-ն է:

Մասնակցության համար  անհրաժեշտ է գրանցվել այստեղ։

Գրանցվել կարելի է նաև ՀՀ բարձր տեխնոլոգիական արդյունաբերության նախարարության աշխատակիցների հետ նշված բնակավարերում նախատեսվող հանդիպումների ընթացքում՝ թղթային տարբերակով։

Հավելյալ տեղեկությունների համար կարող եք զանգահարել հետևյալ հեռախոսահամարով` 091 52 75 42: