Արհեստական բանականությունը գերազանցել է մարդկային կարողությունները. Մասկ
Նմանատիպ
«Արհեստական բանականությունը մարդկանց հետ համեմատ սկսել է ավելի բարձր մտավոր ունակություններ դրսևորել»,- Fox News-ի սյունակագիր Թակեր Կարլսոնին տված հարցազրույցում հայտարարել է միլիարդատեր Իլոն Մասկը։ Ըստ Մասկի, մարդկությունը պետք է արդյունավետ լծակներ մշակի այն վերահսկելու համար։
Միակ առավելությունը, որն ունի և երբևէ ունեցել է մարդն այն է, որ նա միակն է մոլորակի ամենախելացի արարածի կարգավիճակում, բայց դա շուտով կփոխվի։
Հարցին, թե երբ արհեստական բանականությունը դուրս է գալիս վերահսկողությունից, այն դադարեցնելու ինչ միջոցներ կան, Մասկը պատասխանել է. «Գերհզոր արհեստական բանականությունն ամենուր չի լինի: Այն հասանելի կլինի սահմանափակ թվով սպասարկման կենտրոնների։ Իհարկե, ոչ ոք նման բան չի տեղադրի ձեր նոթբուքերի և սմարթֆոնների վրա: Արհեստական բանականությունը կօգտագործվի բացառապես համատեղ աշխատանքի դեպքում, օրինակ՝ հարյուր հազար համակարգիչ՝ որոշակի սպասարկման կենտրոնում։ Նման վայրերի թիվը խիստ սահմանափակ է։ Ես չեմ առաջարկում, որ մենք ոչնչացնենք դրանք, բայց խելամիտ կլինի մշակել որևէ արտակարգ իրավիճակների պլան: Օրինակ, կառավարությունը կարող է պարզապես անջատել նրանց էլեկտրաէներգիան:
Կարծում եմ, եթե ինչ-ինչ պատճառներով մենք մի օր կորցնենք վերահսկողությունը որոշ գերհզոր արհեստական բանականության նկատմամբ, այն անջատելու համար հատուկ գաղտնաբառերը, օրինակ՝ ադմինիստրատորի գաղտնաբառերը, կարող են օգտակար լինել: Իսկ եթե չստացվի, և մենք չկարողանանք դանդաղեցնել կամ կասեցնել գործընթացը… Գիտեք, ճիշտն ասած, ես վերջնական պատասխան չունեմ։ Բայց եթե դա մեզ անհանգստացնում է, և մենք չենք կարող խնդիրը լուծել ծրագրավորվող հրամաններով, ապա, հավանաբար, լավ գաղափար է ունենալ որևէ մեխանիկական անջատիչ»:
Հետևեք մեզ նաև Telegram-ում