Ռուս խաղաղապահները բանակցություններ են վարում ադրբեջանական անցակետի շուրջ

ՌԴ պաշտպանության նախարարությունը հայտնել է, որ խաղաղապահները բանակցություններ են վարում ադրբեջանական կողմի հետ՝ Լաչինի միջանցքում անցակետ տեղադրելու կապակցությամբ և արձանագրել են Լեռնային Ղարաբաղում հրադադարի ռեժիմի խախտում։

Տեղեկագրում նշվում է, որ ադրբեջանական կողմի միակողմանի և չհամակարգված գործողությունների արդյունքում արգելափակվել է երթևեկությունը Լաչինի միջանցքով։

Մարտակերտի շրջանում հրադադարի ռեժիմի խախտում է գրանցվել. Զոհեր և վիրավորներ չեն եղել։ Հրամանատարությունը հետաքննում է դեպքը։