Ինչպե՞ս կարելի է օգտագործել iOS-ի հավելվածները Android-ի վրա

Այս տարվա սկզբին Hikari no Yume անունով հայտնի ծրագրավորողը ստեղծել է touchHLE կոչվող գործիք, որը թույլ է տալիս ավելի հին iOS հավելվածները միացնել Mac և Windows համակարգիչների վրա: Այս նախագծի հիման վրա մեկ այլ մշակող, որը հայտնի է որպես ciciplusplus, ստեղծել է iOS-ի էմուլյատոր Android-ի համար: Տեսականորեն այն կարող է օգտագործվել Android սմարթֆոնների վրա iPhone հավելվածներ գործարկելու համար։ Բայց ուրախանալու համար դեռ վաղ է։

Խնդիրն այն է, որ touchHLE էմուլյատորը, գոնե առայժմ, աշխատում է որոշ սահմանափակումներով, իսկ Android-ում այն ​​ունի նույն թերությունները, ինչ համակարգիչների վրա։ Օրինակ՝ հավելվածներն աշխատում են միայն AArch64 ճարտարապետությամբ չիպերի վրա: Բացի դրանից, էմուլյատորը մինչ այժմ փորձարկվել է միայն Super Monkey Ball խաղում:

Ինչպես տեղեկացնում է 9to5mac կայքը, այլ սարքավորումների վրա iOS-ի էմուլյացիան այնքան էլ հեշտ գործ չէ, քանի որ այս համակարգը ոչ միայն պատկանում է Apple-ին, այլև նախատեսված է հատուկ սարքաշարի վրա աշխատելու համար: Այնուամենայնիվ, որոշ մշակողներ դեռ կարողանում են հաջողությամբ իրականացնել iOS-ի կամ iPhone OS-ի հին տարբերակների էմուլյացիան: Բանն այն է, որ օպերացիոն համակարգի հին տարբերակներն ունեն անվտանգության շատ ավելի քիչ ֆունկցիաներ և «կապված» են շատ ավելի պակաս բարդ սարքավորումների հետ, ինչը հեշտացնում է դրանց գործարկումը այլ հարթակներում:

Ներկայումս touchHLE-ի կիրառմամբ օգտատերերը չեն կարող գործարկել iOS-ի ամբողջական տարբերակը, բայց կարող են գործարկել iPhone-ի որոշ իսկապես հին հավելվածներ և խաղեր, ինչպիսիք են Super Monkey Ball-ը և Crash Bandicoot: Nitro Kart 3D-ը:

Android-ի համար touchHLE-ը կարող եք ներբեռնել մշակողի GitHub-ի էջից: