Anadolu պետական տեղեկատվական գործակալությունը, ազդարարելով Թուրքիայի նախագահ Ռեջեփ Թայիփ Էրդողանի ծրագիրը, տեղեկացրել է, որ նա Ադանայի կամրջի բացմանը կմասնակցի օնլայն։

Այս մասին նշվել է գործակալության կայքում։ Նախատեսվում է, որ երկրի առաջին փոխնախագահ Ֆուաթ Օքթայը հանդիպում կունենա հասարակության հետ։

Էրդողանը բժիշկների խորհրդով չորեքշաբթի՝ ապրիլի 26-ին չի մասնակցել նախընտրական մի շարք միջոցառումների։

Ավելի վաղ Էրդողանն ուղիղ եթերով հարցազրույց էր տալիս տեղի հեռուստաալիքներին, որը հանկարծակի ընդհատվել էր այն պատճառով, որ Թուրքիայի նախագահի ինքնազգացողությունը վատացել էր։