Արհեստական բանականությունը վտանգավոր կլինի անբարեխիղճ օգտատերերի ձեռքում

Microsoft Corp-ի գլխավոր տնտեսագետ Մայքլ Շվարցը կարծում է, որ արհեստական ինտելեկտը վտանգավոր կլինի անբարեխիղճ օգտատերերի ձեռքում:

«Վստահ եմ, որ արհեստական ինտելեկտը կօգտագործվի վատ դերակատարների կողմից, և այո, դա իրական վնաս կհասցնի», – չորեքշաբթի Ժնևում Համաշխարհային տնտեսական ֆորումի ժամանակ ասել է Շվարցը: 

Արհեստական ինտելեկտի գործիքները ենթարկվում են ավելի մեծ հսկողության, քանի որ դրանց օգտագործումը ֆուռոր է առաջացրել վերջին ամիսներին ChatGPT-ի դեբյուտից հետո: Քաղաքականություն մշակողները փորձում են ճնշում գործադրել ընկերությունների վրա՝ զարգացող տեխնոլոգիայի շուրջ պաշտպանական միջոցներ կիրառելու համար:

Հինգշաբթի օրը ԱՄՆ փոխնախագահ Կամալա Հարիսը կհանդիպի Microsoft-ի, Alphabet Inc.-ի և OpenAI Inc.-ի գլխավոր գործադիր տնօրենների հետ՝ քննարկելու արհեստական ինտելեկտի տեխնոլոգիաներից վնասի ռիսկը նվազեցնելու ուղիները:

«Մայքրոսոֆթը» աշխատում է պաշտպանական միջոցներ տեղադրելու ուղղությամբ՝ օգնելու մեղմացնել AI գործիքների հնարավոր վտանգը, ասել է Շվարցը: Ընկերությունն արդեն օգտագործում է OpenAI-ի ChatGPT-ն իր Bing որոնման համակարգում, իսկ Google-ը մարտին թողարկեց վերջինիս մրցակից Bard chatbot-ը:

Ակնկալվում է, որ արհեստական ինտելեկտը կլինի համաշխարհային աշխատաշուկաների տուրբուլենտության հիմնական շարժիչ ուժը և դեր կխաղա գլոբալ աշխատատեղերի գրեթե մեկ քառորդի փոփոխությունների մեջ, ասվում է WEF-ի այս շաբաթ հրապարակված զեկույցում: