Ֆլորիդայի նահանգապետ Ռոն Դեսանտիսը մտադիր է մինչև հունիս հայտարարել նախագահական ընտրություններին մասնակցելու մասին։
The Washington Post-ի փոխանցմամբ՝ այս և հաջորդ շաբաթվա ընթացքում Դեսանտիսը նախատեսում է հանդիպել տասնյակ հովանավորների հետ։ Սա նահանգապետին հնարավորություն կտա ամրապնդել անձնական հարաբերությունները նրանց հետ և ձևավորել նախընտրական շտաբ:
Ավելի վաղ NBC-ն հայտնել էր, որ Դեսանտիսը կարող է հայտարարել իր նախընտրական արշավի մեկնարկի մասին մայիսի 11-ին։
Ի դեպ, NBC-ի վերջին հարցման համաձայն՝ հանրապետականների ընտրազանգվածի առնվազն 31%-ը կպաշտպաներ Դեսանտիսի թեկնածությունը, եթե ընտրությունները հիմա անցկացվեին։ Միաժամանակ 46%-ը կպաշտպաներ ԱՄՆ նախկին նախագահ Դոնալդ Թրամփի թեկնածությունը:
