Ուկրաինայի զինված ուժերի հակահարձակումից սպասելիքներն աշխարհում կարող են գերագնահատվել. այս մասին The Washington Post-ին տված հարցազրույցում ասել է Ուկրաինայի պաշտպանության նախարար Ալեքսեյ Ռեզնիկովը։
«Աշխարհում մեր հակահարձակման գործողությունից սպասելիքները գերագնահատված են: Մարդկանց մեծ մասը սպասում է ինչ-որ հսկայական բանի»,- ասել է Ռեզնիկովը՝ հավելելով, որ նման սպասումները կարող են հանգեցնել «էմոցիոնալ հիասթափության»:
Պաշտպանության նախարարի խոսքով՝ արևմտյան գործընկերներն իրեն հստակ ասել են, որ այժմ իրենց պետք է «հաջողության օրինակ»։
«Բայց ես չեմ կարող ձեզ ասել, թե ինչպիսին կլինի այս հաջողության մասշտաբը, տասը կիլոմետր, 30 կիլոմետր, 100 կիլոմետր, 200 կիլոմետր», – ասել է Ռեզնիկովը:
Պաշտպանության նախարարության ղեկավարը պարզել է, որ, ըստ իրենց ծրագրի, հարձակման արդյունքում ոչ միայն կազատագրվեն գյուղերն ու քաղաքները, այլև կկտրվեն ռուսական բանակի նյութատեխնիկական ապահովման շղթաները և կնվազեն նրանց հարձակողական հնարավորությունները։
Մինչդեռ Ուկրաինայի նախագահ Վլադիմիր Զելենսկին ավելի վաղ հարցազրույցում ասել է, որ ուկրաինացի զինվորները պատրաստ կլինեն հակահարձակման, երբ Ուկրաինան ստանա դաշնակիցների հետ համաձայնեցված բոլոր զենքերը։
