Բռնցքամարտիկ Ռաֆայել Հովհաննիսյանն ԱԱ-ի երկրորդ մենամարտում հաղթեց թուրք մարզիկին

Բռնցքամարտիկ Ռաֆայել Հովհաննիսյանն ԱԱ-ի երկրորդ մենամարտում հաղթեց թուրք մարզիկին

Հայաստանի բռնցքամարտի հավաքականի անդամ, Եվրոպայի առաջնության փոխչեմպիոն Ռաֆայել Հովհաննիսյանը երկրորդ հաղթանակը տոնեց աշխարհի առաջնությունում:

Ուզբեկստանի մայրաքաղաք Տաշքենդում ընթացող աշխարհի առաջնության 86 կգ քաշային կարգում Հայաստանից Ռաֆայել Հովհաննիսյանը երկրորդ մենամարտում ուժերը չափեց թուրք Հական Կոկի հետ: Հովհաննիսյանը հաղթանակի հասավ ժամանակից շուտ` երկրորդ ռաունդում:

Ավելի վաղ Հայաստանի հավաքականից իրենց մեկնարկային մենամարտերում հաղթել էին Ռաֆայել Հովհաննիսյանը, Գուրգեն Մադոյանը, Նարեկ Մանասյանը և Հովհաննես Բաչկովը: Պայքարից դուրս էին մնացել Արթուր Բազեյանը, Դավիթ Չալոյանը, Համբարձում Հակոբյանը, Բարեղամ Հարությունյանը, Ռուդոլֆ Գարբոյանը, Ռուսլան Ասլիկյանը և Արթուր Ղազարյանը:

Հետևեք մեզ նաև Telegram-ում