Ուկրաինայի արտգործնախարարը 10 տարվա մեջ առաջին անգամ մեկնել է Լատինական Ամերիկա
![Ուկրաինայի արտգործնախարարը 10 տարվա մեջ առաջին անգամ մեկնել է Լատինական Ամերիկա](https://times.am/v3/wp-content/uploads/2023/05/Դմիտրի-Կուլեբա-e1683732508412-1024x622.jpg)
Նմանատիպ
Ուկրաինայի արտաքին գործերի նախարար Դմիտրի Կուլեբան ժամանել է Լատինական Ամերիկա: Սա ուկրաինական դիվանագիտական կորպուսի ղեկավարի առաջին այցն է այդ տարածաշրջան վերջին 10 տարում:
«Ուկրաինան ունի եզակի և համապարփակ առաջարկ Լատինական Ամերիկայի նահանգների համար: Առաջին տարրը սնունդն է», – պաշտոնյայի խոսքերը մեջբերված են РБК-Ուկրաինայում հրապարակված հոդվածում։
Ուկրաինան, նախարարի խոսքով, պատրաստ է ընդլայնել մատակարարումները, վերականգնել կորցրած դիրքերը և դուրս գալ նոր շուկաներ:
Բացի այդ Կուլեբան նշել է, որ Կիևը կարող է ծառայություններ առաջարկել մասնագետների պատրաստման ոլորտում, ինչպես նաև տեխնոլոգիական սարքավորումների, թվային տեխնոլոգիաների շուկայում։
Բացի կոմերցիոն շահերից, Կուլեբան նաև մատնանշել է Կիևի քաղաքական շահերը տարածաշրջանում՝ նշելով, որ Գվատեմալան դարձել է լատինաամերիկյան առաջին երկիրը, որը միացել է Ռուսաստանի դեմ հատուկ տրիբունալ ստեղծելու համար Ուկրաինայի արտգործնախարարության նախաձեռնած կոալիցիային:
«Մեր ջանքերի կիզակետը Գլոբալ հարավի երկրներն են, որոնք սկզբունքորեն նոր կշիռ են ստանում աշխարհում»,- հայտնել է պաշտոնյան:
Հետևեք մեզ նաև Telegram-ում