Ինտերը հաղթեց Միլանին․ Մխիթարյանը շքեղ գոլի հեղինակ

Չեմպիոնների լիգայի կիսաեզրափակիչի առաջին խաղում «Ինտերը» նոմինալ հյուրի կարգավիճակում 2։0 հաշվով հաղթեց «Միլանին»։

Միլանյան դերբիի հաշիվը բացվեց արդեն 8րդ րոպեին․ գոլի հեղինակ դարձավ «Ինտերի» հարձակվող Էդին Ջեկոն։ Բոսնիացին եզրափակեց Հական Չալհանօղլուի՝ անկյունայինից կատարած փոխանցումը։

Ընդամենը 3 րոպե անց «Ինտերի» կազմում հաշիվը կրկնապատկեց Հայաստանի ազգային հավաքականի նախկին ավագ Հենրիխ Մխիթարյանը՝ դառնալով առաջին հայ ֆուտբոլիստը, որը գոլ է խփել Չեմպիոնների լիգայի կիսաեզրափակիչում։

32-րդ րոպեին մրցավարը 11 մետրանոց նշանակեց «Միլանի» դարպասին, սակայն VAR-ի միջամտությամբ այն չեղարկվեց։ Թիմերն ընդմիջման գնացին 0։2 հաշվով։

Երկրորդ կեսում գոլեր չգրանցվեցին։ Հենրիխ Մխիթարյանը փոխարինվեց 63-րդ րոպեին։

Թիմերի պատասխան հանդիպումը կկայանա մայիսի 16-ին։