ԵՄ երկրները մտադիր են առաջիկա երեք տարիների ընթացքում 70 միլիարդ եվրոյով ավելացնել պաշտպանական ծախսերը
![ԵՄ երկրները մտադիր են առաջիկա երեք տարիների ընթացքում 70 միլիարդ եվրոյով ավելացնել պաշտպանական ծախսերը](https://times.am/v3/wp-content/uploads/2023/05/magazine-cover-24-1024x499.png)
Նմանատիպ
ԵՄ երկրները առաջիկա 3 տարում կավելացնեն պաշտպանական ծախսերը 70 միլիարդ եվրոյով: Այս մասին հայտնել է ԵՄ դիվանագիտական ծառայության ղեկավար Ժոզեպ Բորելը, նշելով նաև, որ իրենք արդեն 16 միլիարդ եվրոյի զենք են ուղարկել Ուկրաինա և վերապատրաստել են 17000 զինվոր։
Բորելի խոսքով՝ ԵՄ անդամ երկրները առաջիկա 3 տարիների ընթացքում լրացուցիչ 70,000 միլիոն եվրո կծախսեն իրենց կարողությունները մեծացնելու համար:
«Հիմա ԵՄ բոլոր երկրները պետք է իրենց ունեցած ողջ զինամթերքը ուղարկեն Ուկրաինա, հետո կփոխհատուցեն»,- ասել է ԵՄ պաշտոնյան: Եվրոպական դիվանագիտության ղեկավարի խոսքով՝ մինչև տարեվերջ ԵՄ-ն ցանկանում է Կիևին մատակարարել 1 միլիոն արկ և պատրաստել 30 հազար զինվոր։
Եվրոպական դիվանագիտության ղեկավարը նաև «կոլեկտիվ Արևմուտքի» նոր սահմանում է տվել.
«Հավաքական Արևմուտքն այսօր այն բոլոր երկրներն են, որոնք աջակցում են Ուկրաինային, որտեղ էլ որ նրանք լինեն»,- ասել է նա։
Հետևեք մեզ նաև Telegram-ում