Apple-ը գրանցել է թվային ծառայությունների վաճառքից ստացված եկամուտների ռեկորդային ցուցանիշ։
Թվային ծառայություններից եկամուտների աճը կազմել է 6 տոկոս. առաջին եռամսյակում Apple-ը դրանից վաստակել է 20,9 մլրդ դոլար։ Այսպիսով, ընկերությունը անձնական ռեկորդ է սահմանել։ Սակայն այս ցուցանիշը կանխատեսվածից ցածր է՝ 21,1 մլրդ դոլարով։ Apple-ի գործադիր տնօրեն Թիմ Կուկը նշել է, որ կորպորացիային հաջողվել է հասնել հաջողության՝ չնայած բարդ մակրոտնտեսական իրավիճակին։
ՏՏ հսկայի ընդհանուր եկամուտը տարվա առաջին եռամսյակում կազմել է 94,8 միլիարդ դոլար. վերլուծաբանները ակնկալում էին, որ այդ թիվը կկազմի 92,96 միլիարդ դոլար: Գործառնական շահույթը նվազել է 5,5 տոկոսով և կազմել 28,3 միլիարդ դոլար, իսկ մաքուր եկամուտը նվազել է 3,4 տոկոսով՝ մինչև 24,16 միլիարդ դոլար:
Հայտնի է դարձել նաև, որ iPhone-ի վաճառքից եկամուտն աճել է 2 տոկոսով՝ հասնելով 51,33 մլրդ դոլարի։ iPad պլանշետների վաճառքը նվազել է 13 տոկոսով` ընկերությունը դրանցից 6,7 միլիարդ դոլար է վաստակել: Mac-ի վաճառքը նվազել է 31 տոկոսով՝ հասնելով 7,2 միլիարդ դոլարի:
