Twitter ընկերության սեփականատեր Իլոն Մասկը հայտարարել է, որ վեց շաբաթից կլքի գլխավոր տնօրենի պաշտոնը։ Մի կին, որի անունը Մասկը չի նշել, կդառնա ընկերության նոր գործադիր տնօրենը:
«Ուրախ եմ տեղեկացնել, որ վարձել եմ X/Twitter-ի նոր գործադիր տնօրենին: Նա աշխատանքի կանցնի մոտ վեց շաբաթից»,- գրել է Մասկը թվիթերյան միկրոբլոգում:
Նա մանրամասնել է, որ ինքը կզբաղեցնի գործադիր նախագահի և տեխնիկական տնօրենի պաշտոններն ընկերությունում։
