ԱՄՆ-ն դեմ չէ Ուկրաինայի Զինված ուժերի կողմից Ղրիմին հարվածներ հասցնելու համար ամերիկյան զենքի կիրառմանը, քանի որ այդ տարածքը «միջազգայնորեն ճանաչված է» որպես հանրապետության մաս: Այս մասին CNN հեռուստաալիքի եթերում հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։
«Մենք որևէ սահմանափակում չենք դրել, որպեսզի Ուկրաինան հարվածի իր միջազգայնորեն ճանաչված սահմաններում գտնվող տարածքներին։ Իսկ Ղրիմը, մեր կարծիքով, Ուկրաինան է»,-նշել է նա։
Սալիվանի խոսքով՝ Վաշինգտոնը չի ցանկանում, որպեսզի Ուկրաինան հարվածներ հասցնի Ռուսաստանի տարածքների խորքին՝ ՆԱՏՕ-ից ստացած սպառազինության միջոցով։
