«Բորուսսիայի» պաշտպանն ութ ամիս անց դաշտ է դուրս եկել
20/07/2014 10:57
![«Բորուսսիայի» պաշտպանն ութ ամիս անց դաշտ է դուրս եկել](https://times.am/v3/wp-content/uploads/2014/07/37156.png)
Նմանատիպ
Դորտմունդի «Բորուսսիայի» հիմնական պաշտպաններից մեկը՝ Նևեն Սուբոտիչը, երեկ տեղի ունեցած ստուգողական հանդիպման ժամանակ 255 օր ընդմիջումից հետո առաջին անգամ խաղադաշտ է դուրս եկել։
Անցյալ տարվա նոյեմբերին Սուբոտիչը ծնկի խաչաձև կապանների վնասվածք էր ստացել «Նյուրնբերգի» դեմ խաղում և ստիպված եղել բաց թողնել ավելի քան ութ ամիս։
Երեկ 25-ամյա պաշտպանը փոխարինման է դուրս եկել «Հայդենհայմի» դեմ խաղում և դաշտում անցկացրել 16 րոպե։
-Գիտեի, որ վաղ թե ուշ այս պահը գալու է։ Զգացողությունները ճիշտ այնպիսին էին, կարծես փոքրիկ երեխան երկրորդ անգամ սովորում է հեծանիվ վարել։ Առաջին 15 րոպեն երկու րոպեի նման անցավ,-ասել է Սուբոտիչը։
Հիշեցնենք, որ այդ խաղում «Բորուսսիան» հաղթեց 4:3 հաշվով, իսկ Մխիթարյանը դուբլ ձևակերպեց։
Հետևեք մեզ նաև Telegram-ում