Թուրքիայի նախագահական ընտրությունների առաջին փուլում 5,17 տոկոս ձայն հավաքած Սինան Օղանն իր կողմնակիցներին կոչ է արել ընտրությունների երկրորդ փուլում աջակցել երկրի գործող նախագահ Ռեջեփ Թայիփ Էրդողանին։
Նա նման հայտարարություն է արել մայիսի 22-ին տեղական հեռուստաալիքների եթերում։
«Թուրքիայում մայիսի 28-ին կայանալիք նախագահական ընտրությունների երկրորդ փուլում սատարում եմ Ռեջեփ Թայիփ Էրդողանին: Կոչ եմ անում իմ կողմնակիցներին աջակցել նրան ընտրություններում»,- ասել է նա։
Հիշեցնենք, որ մայիսի 14-ին կայացած ընտրություններում գործող նախագահ Ռեջեփ Թաիփ Էրդողանը հավաքել էր ձայների 49․24%-ը, իսկ նրա հիմնական հակառակորդ Քեմալ Քըլըչդարօղլուն 45,06%-ը։ 2-րդ փուլում Սինան Օղանի 5․17%-անոց ընտրազանգվածը լինելու է որոշիչ։
