Ուկրաինան հաղորդում է հասցված 97 օդային հարվածի մասին
![Ուկրաինան հաղորդում է հասցված 97 օդային հարվածի մասին](https://times.am/v3/wp-content/uploads/2023/04/skynews-uman-ukraine-missile_6135852-e1682677050276-1024x502.jpg)
Նմանատիպ
Անցած օրվա ընթացքում ռուսական զորքերը 97 օդային հարված են հասցրել Ուկրաինային, մասնավորապես՝ կիրառվել է 59 իրանական «Շահեդ» հարվածային անօդաչու թռչող սարք (որոնցից 58-ը խոցվել է),ինչպես նաև համազարկային կրակի արձակման կայանքներից 39 հարձակում է իրականացվել Ուկրաինայի զինված ուժերի դիրքերի և բնակավայրերի ուղղությամբ։
Այս մասին մայիսի 29-ին հայտնել է Ուկրաինայի զինված ուժերի գլխավոր շտաբը, գրում է korrespondent.net-ը։
«Ուկրաինայի ողջ տարածքում հրթիռային և օդային հարվածներ հասցնելու հավանականությունը մնում է մեծ»,- ասվում է առավոտյան հաղորդագրության մեջ։
Նշվում է, որ ռուսական ուժերը շարունակում են կենտրոնանալ Լուգանսկի և Դոնեցկի շրջաններն ամբողջությամբ գրավելու փորձերի վրա, վերջին մեկ օրվա ընթացքում Ուկրաինայի պաշտպանության ուժերի ստորաբաժանումները հետ են մղել 19 հարձակում։
Հետևեք մեզ նաև Telegram-ում