BRICS-ը դեմ է միակողմանի տնտեսական պատժամիջոցներին
![BRICS-ը դեմ է միակողմանի տնտեսական պատժամիջոցներին](https://times.am/v3/wp-content/uploads/2023/04/brics-brazil-russia-india-china-south-africa-as-developing-emerging-countries-states-market-economies-vector-illustration-126169923-1024x512.jpg)
Նմանատիպ
BRICS-ի երկրների Արտգործնախարարները նշել են միակողմանի պատժամիջոցների բացասական ազդեցությունը համաշխարհային տնտեսության վրա։
Ռուսական ТАСС գործակալության փոխանցմամբ՝ այս մասին ասված է նրանց համատեղ հայտարարության մեջ, որը հունիսի 1-ին տարածվել է Քեյփթաունում կայացած հանդիպման արդյունքներով։
Նշենք, որ BRICS-ը միջազգային կազմակերպություն է, որին անդամակցում են Բրազիլիան, Ռուսաստանը, Հնդկաստանը, Չինաստանը և Հարավաֆրիկյան Հանրապետությունը։
«Նախարարներն ընդունել են միջազգային իրավունքը խախտող միակողմանի մոտեցումների ազդեցությունը համաշխարհային տնտեսության վրա, ինչպես նաև նշել են, որ իրադրությունն է՛լ ավելի է բարդանում միակողմանի տնտեսական հարկադրական միջոցների պատճառով, ինչպիսիք են պատժամիջոցները, բոյկոտները, էմբարգոները և շրջափակումները», – ասված է տեքստում։
Նախարարական հանդիպումը տեղի է ունեցել Հարավաֆրիկյան Հանրապետության արտաքին գործերի և համագործակցության նախարար Նալեդի Պանդորի նախագահությամբ:
Հետևեք մեզ նաև Telegram-ում