Երևանում Meta-ի փորձագետները կհանդիպեն SMM-ով զբաղվողների հետ

Meta համաշխարհային կորպոռացիայի վաճառքի լիազորված գործընկեր (Authorized Sales Partner) Evido Armenia ընկերությունը հունիսի 7-ին Հայաստանում կազմակերպում է հանդիպում Meta Creative Agency Partner Ադամ Նովակովսկիի հետ:

Մասնակցությունն անվճար է, գրանցվել և օրակարգին ծանոթանալ հնարավոր է այստեղ:

Evido Meetup Yerevan-ը միջոցառում է հայ մարքեթոլոգների համայնքի համար, որտեղ մասնագետները կստանան որակյալ պատկերացումներ Facebook-ի և Instagram-ի գովազդի մասին Meta-ի փորձագետներից, ընկերության մարքեթինգի մասնագետներից և Meta Creative Agency-ի գործընկերներից:

Միջոցառումը հնարավորություն կտա ընդլայնել ռազմավարությունը և կապ հաստատել համախոհ մասնագետների հետ:

Evido-ն Meta-ի գովազդային ծառայությունը մոտեցնում է հայ լսարանին՝ առաջարկելով աջակցություն, խորհրդատվական ծառայություններ և անվճար ու հեշտ մարքեթինգային գործիքներ՝ գովազդատուների և գործակալությունների համար: