ԱՄՆ Դաշնային պահուստների համակարգը դադարեցրել է տոկոսադրույքների աճը
![ԱՄՆ Դաշնային պահուստների համակարգը դադարեցրել է տոկոսադրույքների աճը](https://times.am/v3/wp-content/uploads/2023/06/united-states-federal-reserve-building-washington-dc-usa-699686820-4fe8a5acea0b451b8998d683dfcd87db-e1687097226707.jpg)
Նմանատիպ
Առավել քան մեկ տարի տևած տոկոսադրույքների անդադար բարձրացումների «արշավից» հետո՝ չորեքշաբթի օրը, ԱՄՆ-ի Դաշնային պահուստների համակարգը (Ֆեդերալ ռեզերվային համակարգը) հայտարարել է, որ անփոփոխ է թողնում տոկոսադրույքների մակարդակը։
ԴՊՀ-ի ղեկավարը, հայտնում է, որ տոկոսադրույքները կշարունակեն բարձրացվել, բայց «ավելի չափավոր տեմպով»։ Սա բացատրվում է այն փաստով, որ այս պահին ԱՄՆ-ում գրանցվող ինֆլյացիայի մակարդակը կրկնակիորեն գերազանցում է Ֆեդերալ Ռեզերվային համակարգի համար ցանկալի 2%-ի ցուցանիշը։
Այդուհանդերձ, նույնիսկ ինֆլյացիոն այս մակարդակը բավականին բարձր ձեռքբերում է ԱՄՆ-ի Դաշնային պահուստների համակարգի համար՝ անցած տարի գրանցված 9% ինֆլյացիայի ֆոնի համեմատ։
Որոշ տնտեսագետների կարծիքով՝ ՖՊՀ-ի նման քայլը հղի է տնտեսական վտանգներով՝ համեմատականներ անցկացնելով 1970–1980-ական թվականներին համակարգի իրականացրած քաղականության հետ։
«Ամեն անգամ, երբ Ֆեդերալ Ռեզերվային համակարգը կանգնեցնում է տոկոսադրույքների աճը՝ ինֆլյացիան բարձրանում էր, իսկ երբ տոկոսադրույքները կրկին բարձրացվում էին՝ տնտեսությունը հայտնվում էր ռեցեսիայի մեջ»,- նշել է ամերիկացի տնտեսագետ Մայքլ Բոռդոն՝ CNN–ին տված հարցազրույցիում։
Հետևեք մեզ նաև Telegram-ում