Իսպանիան և Իտալիան նույնպես կշարունակեն պայքարը Եվրոպայի չեմպիոնի տիտղոսի համար

Իսպանիայի և Իտալիայի հավաքականները դուրս եկան ֆուտբոլի Եվրոպայի առաջնության քառորդ եզրափակիչ: C խմբի վերջին տուրի հանդիպումների ընթացքում իսպանացիները 1:0 հաշվով առավելության հասան խորվատների նկատմամբ, իսկ իտալացիները 2:0 հաշվով հաղթել են Իռլանդիայի հավաքականին:

Իտալիա-Իռլանդիա խաղի հաշիվը բացվել է հանդիպման 36-րդ րոպեում: Գոլի հեղինակ է դարձել հարձակվվող Անտոնիո Կասսանոն: Խաղի վերջին՝ 90-րդ րոպեին Մարիո Բալօտելլին երկրորդ գնդակն է ուղարկել իռլանդացիների դարպաս: Իսպանիա-Խոռվատիա հանդիպման միակ գոլի հեղինակը Հեսուս Նավասն էր: Վերջինիս հաջողվել է հաղթանակ պարգևել իր թիմին խաղի 88-րդ րոպեում:

Երեք տուրերի արդյունքում Իսպանիայիհավաքականը հավաքել է յոթ միավոր և C խմբում զբաղեցրել առաջին տեղը: Իտալաղիները հինգ միավորով զբաղեցրել են երկրորդ հորիզոնականը և պայքարը կշարունակեն Եվրո-2012-ի քառորդ եզփափակիչում: