Ա.Բաղդասարյանը Ն.Բորդյուժայի հետ քննարկել է ՀԱՊԿ զորավարժությունների նախապատրաստումը
Նմանատիպ
ԱԱԽ քարտուղար Արթուր Բաղդասարյանի հրավերով Երևանում է գտնվում Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժայի գլխավորած պատվիրակությունը:
Ինչպես հաղորդում են ԱԱԽ մամուլի ծառայությունից, այսօր ՀԱՊԿ գլխավոր քարտուղարին է ընդունել ԱԱԽ քարտուղար Արթուր Բաղդասարյանը: Հանդիպման ընթացքում կողմերը քննարկել են Հավաքական անվտանգության պայմանագրի կազմակերպության շրջանակում 2012թ. սեպտեմբերին Հայաստանի Հանրապետության տարածքում «Փոխգործակցություն-2012» համատեղ զորավարժության նախապատրաստմանը և անցկացմանը, ինչպես նաև Հայաստան-ՀԱՊԿ համագործակցության ընթացքին վերաբերող այլ հարցերի լայն շրջանակ:
Զորավարժությունը կազմակերպվելու է Հավաքական անվտանգության պայմանագրի կազմակերպության անդամ պետությունների զինված ուժերի համատեղ օպերատիվ և մարտական պատրաստության 2012թ. ծրագրի շրջանակներում:
Զրուցակիցները մտքեր են փոխանակել նաև տարածաշրջանային և միջազգային իրադրությանն առնչվող հարցերի վերաբերյալ:
Հետևեք մեզ նաև Telegram-ում