«Դատապարտում ենք և պահանջում». «Ժառանգության» հայտարարությունը Վ.Ավետյանի սպանության առնրությամբ
Նմանատիպ
«Ժառանգություն» կուսակցությունը հայտարարություն է տարածել ռազմական բժիշկ Վահե Ավետյանի սպանության փաստի կապակցությամբ, որում ասվում է.
«Այսօր Զեյթունի քաղաքացիական գերեզմանոցում կայացել է 35-ամյա ռազմական բժիշկ Վահե Ավետյանի հուղարկավորությունը: Նշենք, որ Պաշտպանության նախարարությունից Վահեի հարազատներին առաջարկվել էր Վահեին հուղարկավորել «Եռաբլուր» զինվորական պանթեոնում, սակայն նրանք մերժել էին այդ առաջարկը:
Բազմահազարանոց սգո թափորի մասնակիցները ոչ միայն Վահե Ավետյանին ճանաչողներն էին, այլ նաև մտավորականներ, քաղաքական գործիչներ, քաղաքացիական հասարակության անդամներ և ՀՀ քաղաքացիներ:
Ներկաների թվում էին դերասան Սոս Սարգսյանը, գրող, հրապարակախոս Զորի Բալայանը, «Ժառանգության» ու ՀԱԿ պատգամավորներ, «Դաշնակցություն» կուսակցության անդամներ, բարձրաստիճան զինվորականներ, որոնց թվում էր նաև ՀՀ ԶՈՒ գլխավոր շտաբի պետ Յուրի Խաչատուրովը:
Հուղարկավորության արարողությունից հետո, մահվան թափորի մասնակիցները լուռ երթով շարժվեցին դեպի ՀՀ գլխավոր դատախազություն: Նրանց երթուղին անցնում է Դավիթ Անհաղթ-Կոմիտաս-Բաղրամյան-Մաշտոց-Ամիրյան-Հանրապետության հրապարակ ուղղությամբ:
Նշենք, որ այսօր և վաղը լռության օրեր են հայտարարված, իսկ մյուս օրը տեղի կունենա բողոքի ակցիա՝ ՀՀ նախագահի նստավայրի դիմաց»:
Հետևեք մեզ նաև Telegram-ում