ԴԱՀԿ պատվիրակությունը կմասնակցի ՀԱՊԿ անդամ երկրների ուժային կառույցների միջազգային մրցաշարին

Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Նիկոլայ Բորդյուժայի հրավերով ՀՀ ԱՆ ԴԱՀԿ ապահովող ծառայության պատվիրակությունն այսօր` սեպտեմբերի 24-ին, մեկնել է Ռուսաստանի Դաշնություն: Ինչպես «Արմենպրես»-ին տեղեկացրին ԴԱՀԿ մամուլի ծառայությունից, պատվիրակությունը ՌԴ մայրաքաղաք Մոսկվայում կմասնակցի սեպտեմբերի 25‑28-ը կայանալիք ՀԱՊԿ անդամ-պետությունների ուժային կառույցների ներկայացուցիչների 12-րդ միջազգային մրցաշարին:

Համալիր մենամարտի 12-րդ միջազգային մրցաշարին մասնակցելու են նաև ՀԱՊԿ անդամ-երկրներ Հայաստանի, Ռուսաստանի, Բելառուսի, Ղազախստանի, Ղրղզստանի, Տաջիկստանի, ինչպես նաև Ավստրիայի, Գերմանիայի, Վիետնամի, Լեհաստանի, Հարավային Օսիայի ու Ճապոնիայի հավաքականները: Մասնակիցների շարքում կլինեն նաև Արգենտինայի, Վենեսուելայի, Կուբայի և Նիկարագուայի պատվիրակությունները:

ՀԱՊԿ անդամ պետությունների ուժային կառույցների ներկայացուցիչների միջազգային մրցաշարի նախապատրաստական միջոցառումների մեկնարկը տրվել էր 2014թ. փետրվարին՝ Ռուսաստանի Դաշնության Մոսկվայի մարզի Օդինցովոյի շրջանի «Երշովո» համալիրում, որին մասնակցել են ՀՀ ԱՆ ԴԱՀԿ ծառայության պատվիրակները: