Ավստրիան կարող Է միանալ Գերմանիային ԵԱՀԿ-ում նախագահության ընթացքում
Նմանատիպ
Ավստրիան կարող Է Գերմանիայի գործընկերը դառնալ 2016–2017 թվականներին Եվրոպայի անվտանգության եւ համագործակցության կազմակերպությունում (ԵԱՀԿ) նախագահության ընթացքում: Ինչպես ԻՏԱՌ-ՏԱՍՍ-ին հավաստել են Ավստրիայի արտաքին գործերի նախարարությունում, «այդ տարբերակը քննարկվում Է, սակայն վերջնական որոշում առայժմ չկա», տեղեկացնում Է «Արմենպրես»-ը:
Այս տարվանից Եվրակազմակերպությունը որոշել Է փորձարկել կազմակերպությունում զույգով նախագահության պրակտիկան, երբ միանգամից երկու երկրներ համաձայնեցնում եւ ներկայացնում են առաջնահերթությունները եւ առաջադրում առաջիկա երկու տարվա խնդիրները: Այսպես, այս տարի նախագահող Շվեյցարիան կազմակերպության ղեկավարությունը կհանձնի Սերբիային, որը կշարունակի ավելի վաղ Բեռնի հետ համաձայնեցված գիծը:
Նախօրյակին Գերմանիան պաշտոնապես հայտարարել Է 2016 թվականին իր՝ որպես ԵԱՀԿ-ում նախագահող երկրի թեկնածությունն առաջադրելու որոշման մասին:
2016 թվականին նախագահելու վերաբերյալ որոշումը պետք Է ընդունվի ԵԱՀԿ-ի անդամ երկրների արտաքին գործերի նախարարների խորհրդում, որի նիստը տեղի կունենա դեկտեմբերին Բազելում:
Հետևեք մեզ նաև Telegram-ում