Թուրքիան քաոսի մեջ է. կա 15 զոհ (ֆոտոշարք)

Թուրքիայի 20 նահանգներում տեղի ունեցած անկարգությունների հետևանքով մահացել է ավելի քան 15 մարդ:

Ինչպես տեղեկացնում է Իտար Տասսը, հղում կատարելով Haber Turk-ին, վեց նահանգներում անվտանգության աշխատակցիները հայտարարել են պարեկային ժամ, որը դեռևս պարզ չէ, երբ  կավարտվի:

Վան, Բաթման, Մուշ, Դիարբեքիր, Մարդին և Սիիրտ նահանգներում սահմանված ժամից հետո դուրս գալն արգելվում է: Այս շրջաններում բողքի ցույցերն ու անկարգություններն ավելի վտանգավոր բնույթ են ստանում: Անվտանգության սպառնալիքների պատճառով երկու նահանագներում դադարեցվել են նաև դասապրոցեսները:

Երիտասարդ մարդկանց խմբերը թալանում են խանութները և նահանգային սեփականությունները, ոստիկանության շենքերի և մեքենաների վրա քարեր են շպրտում: Որոշ շրջաններ վերածվել են ռազմական գործողությունների գոտու:

Բողոքի ակցիաներին մասնակցում են հիմնականում քրդեր, պրոքրդական կուսակցության կողմնակիցներ: Ցույցի պատճառը նշում են Սիրիայում գտնվող քրդական Քոբանե քաղաքում տեղի ունեցող դեպքերը, որտեղ համառ պայքար է ընթանում քուրդ բնակչության և Իսլամական պետության մարտիկների միջև:

Բողոքի ակցիայի մասնակիցները հանդես են գալիս Անկարայի անգործունեության դեմ, որը ամրապնդել է սահմանը սական չի պատրաստվում միջամտել Քոբանեում տեղի ունեցող գործողություններին:

Բախումներ տեղի են ունենում ոչ միայն ոստիկանության և ցուցարարների միջև, այլև քրդական զանազան կազմակերպությունների: Անկարգությունների հետևանքով բոլոր զոհվածները կամ մահացել են ամբոխի միջից եղած կրակոցների կամ բախումների հետևանքով:

Մի շարք նահանգների, այդ թվում Ստամբուլի և Անակարայի ոստիկանության աշխատակիցներին հրահանգված է դադարեցնել Կուրբան-բայրամի կապակցությամբ իրենց հատկացված 5-օրյա արձակուրդը և բոլոր հերթական արձակուրդները:

Ոստիկանությունը ամբոխին ցրելու համար կիրառում է արցունքաբեր գազ, որոշ դեպքերում նաև ռետինե փամփուշտներ: