Խոշոր պայթյուն Չինաստանում․ կան տասնյակ զոհեր

Չինաստանի հյուսիս-արևմուտքում գտնվող Ինչուան քաղաքի ռեստորաններից մեկում տեղի է ունեցել հզոր պայթյուն։

Ինչպես տեղեկացրել է «Սինհուա» լրատվական գործակալությունը, պայթյունի պատճառ է դարձել գազի արտահոսքը։ Դա տեղի է ունեցել հունիսի 21-ին՝ Պեկինի ժամանակով 20:40-ին (Երևանի ժամանակով 16:40-ին): Պայթյունի հետևանքով զոհվել է 31 մարդ, վիրավորվել՝ 7։

Բոլոր տուժածները տեղափոխվել են մոտակա հիվանդանոցներ, նրանցից մեկի վիճակը չափազանց ծանր է։

Իրավապահ մարմինները շարունակում են պարզել զոհերի ինքնությունը։ Պատահարի վայրի մոտ ապրող բնակիչներին ժամանակավորապես տեղավորել են հյուրանոցներում: Դեպքի առնչությամբ ձերբակալվել է 9 մարդ, որոնց թվում են ռեստորանի սեփականատերերն ու աշխատակիցներ։

Ինչպես հայտնում է «Սինհուա» լրատվական գործակալությունը, բնակելի թաղամասում գտնվող ռեստորանում մարդիկ հավաքվել էին նշելու եռօրյա Dragon Boat Festival-ը։