Մարտակերտում թշնամու կրակից զինծառայող է վիրավորվել

Այսօր ժամը 13:00-ի սահմաններում, թշնամու զինված ուժերը Մարտակերտի շրջանի ուղղությամբ խախտել են հրադադարը` կիրառելով հրաձգային զենք, ինչի հետևանքով վիրավորում է ստացել ՊԲ պայմանագրային զինծառայող Մհեր Կամոյի Հակոբյանը։

Տեղեկությունը հայտնում են ԱՀ ՊՆ մամուլի ծառայությունից։

Ադրբեջանի ԶՈւ կողմից հրադադարի խախտման և զինծառայողի վիրավորման մասին հաղորդվել է ՌԴ խաղաղապահ զորակազմի հրամանատարությանը։

Նշենք, որ հունիսի 21-ին` ժամը 04։00-ի սահմաններում Ադրբեջանի զինված ուժերը Արցախում` Մարտակերի շրջանի ուղղությամբ հրաձգային զենք էին կիրառել։

Հայտնում էին, որ հայկական կողմը կորուստներ չունի։