Մինսկի խմբի համանախագահները Բաքվում են
Նմանատիպ
Ադրբեջանի նախագահ Իլհամ Ալիևն ընդունել է ԵԱՀԿ Մինսկի խմբի համանախագահներ Իգոր Պոպովին (Ռուսաստան) և Պիեր Անդրիոյին (Ֆրանսիա): Հանդիպմանը ներկա են եղել նաև ԵԱՀԿ գործող նախագահի անձնական ն երկայացուցիչ Անջեյ Կասպրշիկը և ԱՄՆ համանախագահ Ջեյմս Ուորլիքի օգնական Դևիդ Սալվոնը: Ադրբեջանում ԱՄՆ դեսպանատնից հայտնել են, որ Ուորլիքը Բաքու չի կարողացել ժամանել անձնական խնդիրների պատճառով:
Հանդիպմանը Ալիևը համանախագահների հետ քննարկել է Լեռնային Ղարաբաղի հակամարտության ներկա դրությունը և իրավիճակի բարելավման հեռանկարները:
ԵԱՀԿ Մինսկի խմբի համանախագահները հոկտեմբերի 17-ին կժամանեն Երևան: Այստեղ նրանք կհանդիպեն ՀՀ Նախագահ Սերժ Սարգսյանին և արտգործնախարար Էդվարդ Նալբանդյանին: Հանդիպման ժամանակ նրանք կքննարկեն Փարիզում նախագահների կայանալիք հանդիպման մանրամասները:
Հետևեք մեզ նաև Telegram-ում