«Վագների» ապստամբության զոհերը

«Վագներ» մասնավոր ռազմական  ընկերության զինվորներն արդեն մեծամասամբ վերադարձել են Լուգանսկի շրջանում իրենց դիսլոկացման վայրերը։

Զիված ապստամբների ղեկավար Պրիգոժինի նկատմամբ հարուցված քրեական գործը կարճվել է, ամեն բան կարծես վերադառնում է իր «սովորական հուն»՝ Լուկաշենկոյի և Պրիգոժինի պայմանավորվածության հիման վրա, բայց մինչև այդ պայմանավորվածությունը, «Վագների» մարտիկները բավականին լուրջ վնաս են հասցրել Ռուսաստանի օդատիեզերական ուժերին։

Մասնավորապես «Վագները» խոցել և ոչնչացրել է ՌԴ օդատիեզերական ուժերի 7 միավոր ռազմական տեխնիկա։ Ոչնչացված ռազմական տեխնիկայի շարքում է 3 ՄԻ 8 ուղղաթիռ, որոնք նախատեսված է ռադիոէլեկտրոնային պայքարի համար և բավականին հազվագյուտ միավորներ են, նաև խոցվել է ԻԼ-22 օդանավ, Օդային հրամանատարական կետ, 1 միավոր Մի-35, 1 միավոր ԿԱ-52, որը ռուսական զինված ուժերի  «պարծանքն» է համարվում և ներկայացվում է որպես անխոցելի ուղղաթիռ։

Ընդհանուր առմամբ ապստամբության հետևանքով  նախնական տվյալներով զոհվել է ՌԴ 15 զինծառայող։