Պուտինին հավատարմություն ցուցադրելու Պրիգոժինի փորձերը ձախողվել են․ ISW
Նմանատիպ
«Վագներ» մասնավոր ռազմական ընկերության հիմնադիր Եվգենի Պրիգոժինի՝ Ռուսաստանի նախագահ Վլադիմիր Պուտինին իր հավատարմության մեջ համոզելու փորձերը ձախողվել են»,- գրում է Պատերազմի ուսումնասիրության ամերիկյան ինստիտուտը (ISW)։
Ըստ վերլուծաբանների՝ Պրիգոժինը փորձել է նսեմացնել իր ապստամբության նշանակությունը՝ հավանաբար հուսալով պաշտպանել իրեն պետական հեղաշրջման մեղադրանքներից։
«Այնուամենայնիվ, Պուտինը հունիսի 26-ին ժողովրդին ուղղված հեռուստաուղերձում ՄՌԿ-ի զինված ապստամբությունը որակեց որպես շանտաժի փորձ և դատապարտեց դրա կազմակերպիչներին»,- նշում են փորձագետները։
Վերլուծաբանների կարծիքով՝ ՌԴ պաշտպանության նախարար Սերգեյ Շոյգուն, ով բազմիցս քննադատության է ենթարկվել Պրիգոժինի կողմից, առայժմ կպահպանի իր պաշտոնը, մինչդեռ Պուտինը «չի ենթարկվի ՄՌԿ-ի հիմնադրի շանտաժի փորձերին»։
Ըստ Պատերազմի ուսումնասիրության ամերիկյան ինստիտուտի (ISW) մասնագետների՝ «Վագներ» ընկերության ապագան անհասկանալի է, բայց, ամենայն հավանականությամբ, Պրիգոժինը չի ընդգրկվի դրա մեջ, և այն այլևս չի լինի որպես առանձին կամ միասնական կազմավորում։
Հետևեք մեզ նաև Telegram-ում