Եթե Ռուսաստանը փլուզվի, Բելառուսը կմնա փլատակների տակ․ Լուկաշենկո
![Եթե Ռուսաստանը փլուզվի, Բելառուսը կմնա փլատակների տակ․ Լուկաշենկո](https://times.am/v3/wp-content/uploads/2023/06/Լուկաշենկո--e1687860886198.jpg)
Նմանատիպ
Բելառուսի նախագահ Ալեքսանդր Լուկաշենկոն կարծում է, որ այսօր նոր գլոբալ հակամարտության սպառնալիքն ավելի մոտ է, քան երբևէ։
Լուկաշենկոյի խոսքերը փոխանցում է նրա մամուլի ծառայությունը։
Ըստ Բելառուսի նախագահի՝ «մեզ փորձում են մոլորեցնել հավաքական Արևմուտքի իրական ծրագրերի ու մտադրությունների վերաբերյալ», բայց փոխարենը տեղի է ունենում արևմտյան կարգի պարտադրում։
Դրա դրսևորումներից մեկը նա անվանել է ՆԱՏՕ-ի ընդլայնման նոր ալիքը և դաշինքի երկրների ռազմական ներուժի հզորացումը։ «Նրանք հերթական անգամ փորձում են պայթեցնել մեր երկիրը, մեր ամբողջ տարածաշրջանը, ապակողմնորոշել մարդկանց, ամեն գնով ապակայունացնել իրավիճակը և այս աղմուկի տակ պարտադրել իրենց սեփական կանոնները, հաստատել իրենց կարգը։ Կարգ, որում այլևս չեն լինի ո՛չ մեր երկրները, ո՛չ ժողովուրդները»,- ասել է նախագահը:
«Իմ դիրքորոշումն այն է, որ եթե Ռուսաստանը փլուզվի, մենք կմնանք փլատակների տակ, մենք բոլորս կմեռնենք»,- հավելել է Լուկաշենկոն։
Հետևեք մեզ նաև Telegram-ում