Հայ ըմբիշները` Եվրոպայի առաջնության արծաթե և բրոնզե մեդալակիրներ
29/06/2023 10:29
![Հայ ըմբիշները` Եվրոպայի առաջնության արծաթե և բրոնզե մեդալակիրներ](https://times.am/v3/wp-content/uploads/2023/06/44442741_101_154_1089_710_1280x0_80_0_0_8fcf3533b0d744fc9a036a3f29da3979.jpg.webp)
Նմանատիպ
Հունահռոմեական ոճի երիտասարդ ըմբիշները ևս երկու մեդալ են նվաճել Իսպանիայում ընթացող Եվրոպայի առաջնությունում:
60 կգ քաշային Սուրեն Աղաջանյանը Եվրոպայի երիտասարդական առաջնության հաղթողի տիտղոսի համար գոտեմարտել է Վրաստանը ներկայացնող Անրի Խոզրևանիձեի հետ և 1։6 հաշվով պարտություն է կրել՝ բավարարվելով արծաթե մեդալով:
Աղաջանյանը պայքարը սկսել էր 1/8 եզրափակչից, որտեղ 8։0 հաշվով առավելության էր հասել Իսրայելի ներկայացուցչի նկատմամբ, քառորդ եզրափակչում Աղաջանյանը 8։3 հաշվով հաղթել էր Ուկրաինայի ներկայացուցիչ Դանիլ Բիտկային, իսկ կիսաեզրափակչում 8։1 հաշվով՝ Լեհաստանի ներկայացուցչին:
Հայաստանի մյուս ներկայացուցիչ Գասպար Տերտերյանը (67 կգ) բրոնզե մեդալ է նվաճել՝ 5։4 հաշվով հաղթանակ տանելով Ֆրանսիայի ներկայացուցիչ Մագոմեդ Գատագայևի նկատմամբ:
Հետևեք մեզ նաև Telegram-ում